Si m reveye ou jan kagou
m’priye yon zwazo chante
pou l ede solèy-la leve.
Si m pa kapab dòmi lannwit
m’mande syèl la vin pi ba
pou m selebride de zou twa nyaj.
Si m nan bezwen bwè yon ti dlo
m’priye flè yo vin pi laj
pou yo kenbe plis larouze.
Si m anvi wè timoun fleri
m mande latè louvri janm li
pou bay plis viv, pou bay plis fwi.
Si, poufini, m’bezwen renmen
m’priye kè m bat pi fò
pou yo tande li toupatou.